Toulondarrek sekulako garaipen bikoitza egin dute Top 14 eta H Cup-ean. Estatistiken arabera, ez da harrigarria, etxeko txapelketan bezala, europear jokalekuan nagusi izaten ikustea. Wilkinson eta bere kideek nahiko ongi hasi zuten denboraldia, txapelketako buru agertuz 12 garren egunaren bukaeran. Abenduko eta Urtarrileko hilabeteak arras zailen ondotik Var-eko taldea kanpora bota zuten fase finaleko toki kalifikatzaileetatik (Toulon 7 garrena egon zen 17 garren eguna eta gero). Europako Kopean RCT-ak ez ditu zailtasun horiek ezagutu eta nagusitasun kasik perfertu bat erakutsi zuen (multzoko 6 partidotan 5 garaipen). Amesgaizto hortatik atera ondoren, denboraldi kasik perfektua egin zuten : Top 14-ko 11 lehialdiren artean galtze bakar bat, fase finalak kondutan hartuz (Clermont-en, baina defentsa gehigarri edo bonus batekin) ; bistan dena galtze bat ere ez H Cup-ean.
Beraz logikaz sailkapenaren lehen tokian fase erregularrean bukatu dute, hesi korapilatsu bat saihestuz eta jada ongi kargatua zen egutegi bat arinduz. Hitz estatistikoak erabiliz, Toulondarren kausitzearen elementu harrigarriena ez da hainbat erasoa, defentsa edota arloa, baina bai elementu horien arteko oreka perfektua. Gorri eta Beltzek txapelketako bigarren eraso hoberena (partidoka 25 pundu bataz bestean) eta hirugarren defentsa (18 pundu jasanak partidoka) dute aldi berean : horrela bataz besteko pundu hoberena dute, eta urrundik (+ 194 pundu, jakinez Montpellier eta Clermont + 145 eta + 159 pundutan bakarrik direla). Txapelketetan RCT-ak 9 galtze ezagutu baditu ere, 6 defentsa gehigarri edo bonus eskuratu izan ditu. Taldearen alde erakargarriaren azken froga : Bernard Laporte-ren jokalarien aurrean, talde bat ere ez da iritsi erasoaldi gehigarriaren eskuratzera !
Gero eta denboraldia aitzinatu, gero eta RCT-a nagusi bilakatu da, jokoaren konpartimentu guzietan. Nagusitasun hau fase finaletan ikusgai izan da batez ere : bataz bestean, Toulon 13 punduko tarte batekin nagusitu da H Cup-eko finala laurden, finala erdi eta finalean. Top 14-ko finala erdian eta finalan, bere aurkariak 9 pundu atzean mantendu ditu taldeak, egiazko matalaza, nehoiz ikusi gabekoa horrelako partidoetan.
Ororen buru, Toulondarren denboraldia hobekien ezaugarritzen duena nagusitasuna da.